Bans A Killin
So yuh a de man me hear bout!
Ah yuh dem seh dah teck
Whole heap a English oat seh dat
yuh gwine kill dialec!
Meck me get it straight, mas Charlie,
For me no quite understand –
Yuh gwine kill all English dialec
Or jus Jamaica one?
Ef yuh dah equal up wid English
Language, den wha meck
Yuh gwine go feel inferior when
It come to dialec?
Ef yuh cyaan sing ‘Linstead Market’
An ‘Water come a me yeye’
Yuh wi haffi tap sing ‘Auld Lang Syne’
An ‘Comin through de rye’.
